Termografering

Infrareyð termografering er ein háttur at “síggja” hitastráling við einum tóli. Av tí sama eru hesi tól sera væl egnað at brúka í el-ídnaðnum. Tað fyrsta, sum hendir við einum streymførandi luti, tá ið ein feilur byrjar at taka seg upp er, at hann blívur heitari enn hann eigur. Við termografering kann ein finna feilir í m.a. vánaligum ella leysum samankomingum, ójavnt belastaðum gruppum og ikki virkandi talvulutum.
Í nógvum fyritøkum uttanlanda er tað eitt krav frá teirra tryggingarfeløgum, at allar eltalvur skula kannast eina ferð um árið við einum termograferingstóli. Tí er tað mest vanligt hjá fyritøkum, at termograferingin verður gjørd afturvendandi við einum árið ímillum. Hetta fyribyrgir eld og skaðar í eltavlunum, og niðursetir vandan fyri framleiðsusteðgi.
Kundin fær frá okkum eina frágreiðing, har allir feilir og møguligir komandi feilir eru útgreinaðir. Við hesum í hondini er tað lætt at planleggja tað fyribyrgjandi arbeiðið, og nær tað liggur best fyri at sløkkja streymin um tørvur er á tí.
Umframt eltalvur kann termograferingstólið, við stórum fyrimuni, nýtast til at finna feilir á m.a. elmotorum, UPS annleggum, transformarastøðum og háspenningsstøðum.