IBI

Lægri orkunýtsla og skerjing av vakstrarhús útláti standa ovarliga á listanum hjá flestu fyritøkum og stovnum. Intelligent Bygnings Installatión (IBI) er eitt hugtak, ið fevnir um stýring av lutum í el-innleggingini. Við at stýra eitt nú ljósi og hita ber til at gera stórar sparingar í el- og oljunýtsluni. Nógvar ymiskar skipanir eru á marknaðinum, og tí er umráðandi at velja ta skipanina, ið passar best til tykkum.

Kendar IBI loysnir

Nógvar ymiskar loysnir finnast innan IBI. Her eru nakrar av teimun mest brúktu í Evropa:

  • IHC
  • IHC Wireless
  • KNX
  • DALI
  • Smart House

Sparingar

Tann automatiska stýringin tryggjar, at orku útreiðslan minkar. Tað er ikki neyðugt at hugsa um at sløkkja fyri ljósinum, tí hesum tekur stýringin sær av. Stýringin stendur eisini fyri at stilla ljósið eftir styrkini á natúrliga ljósinum í rúminum, sum kemur inn gjøgnum vindeygu. Øll hesi átøkini hava við sær, at sparast kann upp í 85% í ljósi og upp í 30% í hita hvørt ár.

Hitastýring

IBI fevnir eisini um hitastýring. Hetta merkir størri komfort og fleksibilitet fyri teg og tíni starvsfólk. Harafturat kemur stór orku-sparing, tí ein IBI hitainnlegging hitar bert, tá tørvur er á tí. IBI hitastýringar fevna vanliga um: Hita-følarar, stýrbarar termostatar og trýst til manuella yvirstýring. Hartil verður skipanin forritað til tín tørv. Forritanin hevur vanliga tríggjar stillingar:

  1. Til staðar
  2. Ikki til staðar
  3. Frost trygging

Tú kanst kombinera ”til staðar” við t.d. minking av náttar temperaturinum, og ”til arbeiðis” kann stillast at vera virkin ávís tíðarskeið á degnum. Hitafølarin monterast á veggin og kann umframt setast til ein eyka følara, sum málar gólv temperaturin. Máliúrslitini sendast leypandi til stýrieindina, sum avgerð, um tað skal skrúvast upp ella niður fyri hitanum í tí einstaka rúminum. Hitastýringin kann eisini stillast til at fara aftur til ”búgvandi” stilling eina ávísa dagfesting. Harumframt kann installatiónin fjarstýrast ígjøgnum internetið ella teldupost. Hetta kann vera hent, um tú eitt nú ert á veg heim úr frítíð ella líknandi.

Bakteriu fyribyrgjandi kontaktir