Brand

Eldávaringarskipanir verja ímóti vanda. Eldávaringarskipanir skulu hava rætta stødd til sítt brúk, tá skal hyggjast eftir bygningi, innrætting og hvat myndugleikarnir krevja. Álit á eldávaringarskipanir krevja at annleggið er av góðari góðsku. Vit hava allan neyðugan kunnleika, ið uppfylgja hesi krøv.

Brunatrygd er vorðið eitt grundleggjandi krav innan bygging. Í sambandi við ný- og umbyggingar av stovnum og virkjum eru krøv til elektronisku brandskipanina, sum er partur av samlaðu brunatrygdini.
Brandskipanirnar eru ymiskar til støddar. Hetta er tengt at bygninginum, innrættingini og krøvum frá myndugleikunum.

ABDL

Tá ný- og umbygt verður, verða bygningar deildir upp í brunaøkir eftir brunakrøvum.
ABDL skipanir verða nýttar við brandhurðarnar, ið skilja økini at.
ABDL skipanin heldur brandhurðum opnum undir vanligum umstøðum og sleppur hurðini, um vandastøða er.

ABA

Endamálið við eini ABA skipan er at varnast vandastøður skjótast møguligt, senda boð eftir hjálp og vegleiða fólkið í støðuni.

ABA útgerðin virkar m.a. sum sentralur fyri samlaðu elektronisku brandskipanini, har øll brandútgerðin verður savnað og stýrd úr einum staði. Kemur ein ávaring, móttekur ABA skipanin ávaringina og tendrar ávaringarljóð- og ljós. ABA skipanin kann eisini senda ávaringarboðini víðari til ávísar móttakarar.
ABA skipanin styrkir fyribyrgingina av vandastøðum og lættir um viðlíkahaldið av brandskipanini.

Kundin í hásæti

Tað er týdningarmikið fyri einhvønn brúkara, at ein brandskipan er álítandi, trygg og av høgari góðsku.
El.fo er lóggildur innleggjari innan uppsetan og viðlíkahald av automatiskum brandávaringarskipanum.
Stórur dentur verður lagdur á, at skipanin er av høgari góðsku og lýkur øll krøv til brunatrygdina. Hetta sæst aftur bæði í okkara handverki og veitingum.

Veitarafyritøkur okkara eru:

  • ADI
  • Teletec
  • Paxton